ليش .. الحب صار شي ماضي ؟

من طرف **بنت ابوها** الإثنين سبتمبر 05, 2011 10:57 pm

ليش .. الحب صار شي ماضي ؟

في
وايد مواضيع تكون خاصة بالشباب أو البنات وفي إعتقاد الكثير أن من يكتب عن
الشباب فهو ضد البنات ومن يكتب عن البنات فهو ضد الشباب وهذا أكبر غلط
وأقوي سبب يخلى الناس تعزف عن الكتابة عن هالمواضيع .
انا اليوم بكسر القاعدة وأتكلم عن موضوع يخص الاثنين يعني محد يقدر يقولي أنت ضد الشباب أو البنات .
موضوعي ممكن أثير في الكثير من المناسبات ولكن حابين نطرح هالفكرة ولكن بالمستوى الراقي ، والموضوع يقول أن الان فكرة الحب أصبحت عند الفئتين خاطئة وأصبح مفهوم كلمة ( الحب ) يقتصر على أشياء لا دخل لها في أسس الحب ، نعم للحب أسس ومعايير جودة أيضا .
ليش
الحين لما الشاب بنفسه يختار البنت الي يبي يحبها ويقضى معها فترة طويلة
تمتد لسنوات ومن بعدها يحاول بكثر القدرة الي حبها فيها ان يتركها وعذره ان
ما يقدر يتزوجها ، يعني ليش من الأول حبيت هالبنية وعلقتها فيك وأنت أصلا ما تملك القرار، وليش صار عيب الشاب يتزوج البنت الي كان يحبها من أربع أو ثلاث سنوات ؟
الكلام موجه لك أنتي بعد يالبنت عشان أنا قلت ماراح أكون ضد أحد ، في بعض البنات يفتحون المجال لشاب أن يحبهم ويتعلق فيهم ، ولما الشاب يقرر ان يخطو الخطوة الصحيحة ، توقف البنت وتقوله لا ماقدر أتزوجك لأن أهلي ما يرضون أو ان البنت تكون تبي شريك حياتها بمواصفات أخرى غير عن الحبيب ، إذا هالشريك مواصفاته ما تطابق الشي الي أنتي تبينه أو الشخص الي ممكن أهلك يوافقون عليه ، ليش من الأول فتحتي له قلبك وتركتي له المجال أن يكون بينكم حب ولفترة طويلة .
هل معقولة كل هذا الي يصير مجرد تسلية من الطرفين ...؟