تذكرتك..! أنا اصلا نسيتك لاجل اعود اذكرك !؟

تذكرتك..! أنا اصلا نسيتك لاجل اعود اذكرك
بودّي...لو ذكرتك صدق لكني...نسيت انساك

انا شفتك قليل من الشبه بينك وبين [b]اكثرك
تنامت فجوة الموت البطي بينك وبين احياك

وانا مدري بلحظات التلاقي منك وش يحضرك ؟
مكانك او زمانك ضحكتك جرحك هواك اشياك

ولكن ..عارف انك عارف اني :مالفيت انصرك
انا ماجيب لك وردة شماتة في يدين اشلاك

كأنك قدس..قدسية خضوعك..انظره انظرك
جدار العزل /كمام/ ارتعاشات/ اوردة /أسلاك

بذخ لما تكون النار ضيفك لاتمد اخضرك
ولكن طبع..فاوراقك جنوون تجمّلت باغلاك

فقدتك..كان في وسع السما لااستسمحت تمطرك
فقدتك..كان في وسع الثى يجمع وراك خطاك

يسامحك الممات تموت...؟!.طيّب كيف انا بكبرك
انا مااكبر سوى لاقست طولي فيك وتعداك

((سوا..ربينا)) واذا ماجيت بعد المدرسة مااعذرك!
تخاف امك عليك....؟!امك تشوف ان اصدقاك اعداك

(سوا.. ربينا ))واذا نسرق سوا ثم ارجع احذرك
((سوا ربينا)) ندور في الظما لحبقنا مسواك

وانا اكبر منك اعرف اسما الشيوخ اعدهم وابهرك
وانا ااحسن منك اسولف بالقبيلة واهزم الاتراك

وانا افقر منك ..ماسافرت مرّة واعترف...مظهرك..!
وانا اتعس منك ماشفت البحر لافارق الاسماك

سوا ربينا وانا اللي قبلك امشي مو عشان اقهرك
تضن برجلك--الرجلين هذي تجرح الاشواك-

كذلك كنت شاعر من زمااان بلوعة تنطرك
وحي ..مدري..وحي..مدري رؤى تفسيرها مثواك

تكسّر في المرايا صورتي وشلون اجي واجبرك
تضاءلنا سوا بعيوننا ضعنا هنا.. وهناك

دخيلك لاتموت ان مت...ماعندي رثا واقبرك
وراك شلون ابقفل باب ..لاصار السما شباك

دخيلك مااقدر انسى لاتموت..ان مت كيف اذكرك؟؟
يموت الفضل في خطرة بكاك وفي جلل ذكراك..

القصيدهـ لـ محمد عيضه في صديق له

تحيآآتي لكمٌ