[ طــــــــال النِّيا ] ~

[ مدخل ] ..
طال النـِّيا !!
يا هاجره طال النـِّيا ..
ناس ٍ على باب الكريم ..
برجوى كريم ..
وناس اغـْنيا !!
وَ [ انا ] على بابك طريح ..
آقف واطيح ..
أبسألكْ ؟؟
مرّيت في بالك كثير !!
وإلاّ كثير ..
أنـّي أمر واسألك ..
تدرين ليش [ الشوق ] موت ؟؟
ل/ انـْه شعور ..
قبل الشعور ..
وبعد الشعور !!
باقي ولا يمكن يموت ..
حتى ولو راح الكثير ..
وغبنا كثير ..
أبسألك ؟؟
تدرين وشى معنى [ المصير ] ؟؟
عندك ضمير !!
نفس الضمير ..
وإلاّ بلاش اني اسألك ..
دامي جريح ..
وطال النـِّيا !!

طـال النِّيـا / يـا هاجـره و [ المـوت ] لا طـال النِّيـا
الشـوق يلـوي حشمـة الخفَّـاق وعـروقـه لَـيَـيْ~/ي

طـال النِّيـا / وانتـي وانـا جرحيـن والنـاس اغـوِيـا
وذنوبي اللـي مـن ضنـا فرقـاك مـا فيهـم حَيَـيْ~/ي

اكتـب علـى خـدّ السهـر / ولهـان يـا وجـه الضِيـا
وامْسَح واعيد اكتـب علـى خـدّ السهـر كلّـي عَيَـيْ~/ي

يامـا ذَخَرْتـك للسنـيـن الـعـوج / وسنيـنـي رِيــا
وياما علـى رَمْضَـاك والخطـوات تكوينـي / كَيَـيْ~/ي

ويامـا حَطَبْتـك فـي ليـال الـبـرد واشْعِلـنـي [ لِـيـا
هبَّـت ] هبـوب الضيقـه القشـرا ومَعْلوقِـكْ فَـيَـيْ~/ي

كنـت احْسَبَـك فـرصـة عُـمـر وأن البَـقَـا للأقـوِيـا
لكن طلعت اضعف [ قوي ] / مجنون / واحساسي غَيَيْ~/ي

وكنـت انفعـل واتْعمَّـد التجريـح مـن بــاب [ المِـيـا
نه ] وانثر اعذاري علـى كفّـك واعـرف انّـي هَيَـيْ~/ي

امـوت بـك يـا وردة اليشمـوم / يــا الهَِدْرَنْجِـيـا
يا زنبق الياقوت / يا الأوركيد/ يا الخد الضَيَيْ~/ي

فـي مَدْمَـعَـكْ مَــاءَ الـوجـود وعنـفـوان الأتقِـيـا
وفي مَبْسمَـكْ مَـاءَ الخُلـود وكـل مـا فينـي رَيَـيْ~/ي

مـا باقـي بصـدري سِـوا بيتيـن وحــروف اشقِـيـا
والليـل يطـوي دَفَّـة [ الافـراح ] والضحكـه طَيَـيْ~/ي

اصـرخ واجمَّعنـي بقايـا حَــزْنِ ف/وْجـيـه ابـرِيـا
وآجـزِّ فـي نـاب القهـر ريقـي وْيشوينـي شَـيَـيْ~/ي

طـال النِّيـا / وش حيلـة المشتـاق لا طـال النِّـيـا ؟؟
[ والمـوت ] يلـوي حشمـة الخفَّـاق وعروقـه لَيَـيْ~/ي

[ مخرج ] ..
مات الكلام !!
وَلا بقى بصدري كلام ..
غير [ آه ] وشوّية تعب ..
وكومة ملام ..
امشي وافتـّش بالوجيه ..
شيّ ارتجيه !!
حتى ولو كذبة [ أمل ] ..
حفنة رمل ..
من ريحتك يا الكهرمان ..
يا شوق !!
يا كل الأمان ..
يلتم ويّاك الشمل ..
حتى ولو طال النـّيا !!

بدر الدخيل